شاهد قصيدة يقولون ان الزين بس للصبايا الشاعرة الخليجية نهى نبيل احبة بث مباشر اون لاين على ماي تيوب

شاهد قصيدة يقولون ان الزين بس للصبايا الشاعرة الخليجية نهى نبيل احبة بث مباشر اون لاين على ماي تيوب

من اقوى قصائد التغزل بالرجال



كلمات قصيدة ويقولوا إن الزين بس للصبايا

ويقولوا إن الزين بس للصبايا

حكي الجياكر صدق ماخوذ خيره

عندي حبيب فيه كل المزايا

فوق الشهامه اشهد انه دميره

له ضحكة تسوى سواة وسوايا

و رزة عقال ماهي لحد غيره

وغمازيتين هناك صوب الشفايا

و نظرات عين يالخلايق خطيره

ودي اشوفه كل لحظه معايا

عيني بصيره بس اليد قصيره

صرت ألمحه في عين كل الزوايا

واموت لاجا ذكره بأي سيره

اترك عشانه كل عمري ورايا

وابني له بوسط الحشا ألف ديره

سبحان من خلى الحسن فيه آيه

قلبي هواه ومدري وش هو مصيره

من يوم شفته الوصل صار غايه

ورسمت في لحظه اماني كثيره

واظن اني تناسيت كل البلايا

وعيوبه صارت في عيوني صغيره

كحيان و منتف قليل العطايا

مير اشعر بظله كني أميرة

يرمي سهام العشق احسن رمايه

و ينيشن قليبي وينثر عبيره

كم مرة يحلف ماله سوايا

ولاجا يناديني ينادي سميره

لكن أحبه يا بلاه وبلايا

وابقى اتحمل سلبيات كثيره

لأني وهبته الروح وأجمل هدايا

حبي مع اخلاص على شوية غيّره

وصرت اعذره و اهيم به في عمايا

واقول يرجع لي ويعقل مسيره

جنن قلوب الناس و أحلى الصبايا...

وعذب لي قليبي ملعوووووون خيره ...!!

اترك عشانه كل عمري ورايا

وابني له بوسط الحشا ألف ديره

سبحان من خلى الحسن فيه آيه

قلبي هواه ومدري وش هو مصيره





روؤعه صح لسان قايلتها ’ وتسلم يد ناقلها

طرح مميز مشكووووووووور